Clipboard0215.septembrī beju televizejā – LNT Dombura studejā, temats: īkšlītys i tīslītys. Kai maņ tī guoja, var apsavērt video zamaškā. Tūlaik pošā myusu diskusejis īsuokumā napagivu atbiļdēt iz vaicuojumu, kas piec byuteibys, munupruot, beja svareiguokais vysā sarunā i iz kuru eisti nivīns cyts politikis atbiļdis naīdeve.

- Cilvēki pēc gandrīz 25 neatkarības gadiem jūtās, ka bijusi hroniska nesodāmība, mazie zagļi cietumos un lielie zagļi amatos, shēmošanas utt. Mana sajūta, ka sabiedriski un valsts mērogā tiesiskuma deficīta problēma vai likuma varas deficīta problēma ir pamatīga. Kāpēc?

Tuos jūprūjom ir padūmu savīneibys sakys. Vacuos sistemys cylvāki ar vacū dūmuošonu raudzeja veiduot jaunu vaļsti ar pavysam jaunū ideji – na visim saguoja izmaineit sovu dūmuošonu i vierteibu sistemu. Igaunejā izreiz raudzeja eistynuot paaudžu maini i, īspiejams, taišni tys jūs veiksmis stuosta pamatā (pīmāram, puorejūt nu Milicejis iz Policeji napaturē vacūs darbinīkus). Pi myusu Saeimā vysulaiku (ar mozim izjāmumim) ir bejušys tuos pošys partejis (skait – apmāram tūs pošu finansialūs grupu puorstuovi, kas kotrys raudzeja atrast sovu nišu, kurā nūpeļneit i sev, i sovys partejis reklamys vajadzeibom). Nav bejs lelys starpeibys, voi vaļdeibu veidoj a+b, c palīkūt opozicejā voi c+b… Ka pasaveram parteju ideologiskūs pamatus, tod starp jom nav gondreiž nikaidys (!) atškireibys – vysys rauga īspieju rūbežuos vysu visim apsūleit, ka tik bolsu vairuok.

I vēļ, lai cik tys nabyutu skorbai – vaine, koč voi moza tuos daļa, ir juouzajem kotram Latvejis vaļsts pilsūņam. Deļ kam stuov molā, kod redzi nalykumeibu, deļ kam dūd pīceiti policistam…? Kod redzi, ka naīt kūpejais vazums iz prīšku, tod juoīt paleigā, izmaineit, atbalsteit, lai kūpejuo vaļsts i sabīdreibys līta iz prīšku teik? Myusim visim vēļ juoturpynoj vuicētīs runuot, sasarunuot, īsaklauseit, sadzierdeit i kūpā atrast kūpeigu volūdu, tod ari vaļsts varēs daudz dreižuok izkuopt iz tīsiski breiva atteisteibys ceļa.

Ite tod nu varit nūsavērt vysu raidejumu atkuortuojumā (breidynoju, ka suokumā i pa vydu byus trokai daudz nalobu reklamu, iz tom lobuok skani atslēgt):