18446694_10211664845130329_2503346696038655679_n5. i 6. majī nūtyka Latgolys SYMTGADIS KONGRESS.

Ar 4.pasauļa latgalīšu saīta gola rezoļuceji var īsapazeit portalā LaKuGa.LV

Pi tuos, munupruot, niu tod ir juopīsatur i navaļstiskūs organizaceju puorstuovim i Saeimys deputatim – tei ir Latgolys inteligencis gryba. Svareigi ir volūdys vaicuojumi i pošam maņ ir prīca par rezoļucejis 3.punktu – “Latvejis Republikys regionalū politiku baļsteit iz Satversmis 3. panta: Latvejis vaļsts teritoreju storptautyskūs leigumu nūsaceitajūs rūbežūs sastuoda Vydzeme, Latgola, Kūrzeme i Zemgale”. Precizi i skaidri nūsaceit Satversmē nūsauktūs regionu funkcejis, tys ļaus efektivi rysynuot daudzys vaļstiskys problemys: vaļsts īstuožu darbeibys struktura, pošvaļdeibu sadarbeibys modeļs, izgleiteibys sistema, veseleibys apryupe, vaļsts budžeta sadale, ari Vaļsts Kulturkapitala fonda darbeiba i c. Regionu izaugsmei vierzeit i atbaļsteit vaļsts i cytu īstuožu decentralizacejis ideju.”

Visim īsoku nūsavērt vēļreiz Viestura Kairiša runu vysa saīta pyrmuos dīnys beiguos – tei eistyn labi paruoda problemys byuteibu. Guodoju, ka mes iz prīšku tiksim ari pi kaidim rysynuojumim.

Vēļ ite dalīknu saiti iz LR4 programys raidejumu. Tymā sovu redziejumu izsaceja i Aivars Mackevičs (kurs ir ituo roksta suokumā radzamuos biļdis autors), i Arņs Slobožanins, kuram cyta vydā ir datics nu vysaidu pušu saisteibā ar juo pamatuotajim ībyldumim pi eksprezidentis runys kongresa laikā.


Tam vysam pa viersu LTV raidejums “Kultūršoks” sataiseja gona tendenciozu laidīni. Sovu komentaru pīraksteju socialajā teiklā Facebook:

Par itū temu gona korstys debatis izvērte pi vīna nu ituo raidejuma vaininīku Arvida Barševska profila:

Vēļ 10.majī beju gosts radejī “Baltkom” (krīvu vol.) – runovam par tū pošu kongresa tematiku:

16.majī LR1 raidejumā “Krustpunktā” ari nūtyka plaša diskuseja par volūdys vaicuojumu Latgolys Kongresa rezoļucejis saisteibā.

Iztureibu visim Latgolai i latgalīšim svareigu vaicuojumu aizstuoviešonā!